MY LOST KITE

A short story

“EIGI MANGKHRABA TELANGKA “

Mangolda chairiba mayamdu sitok nanthok e , amuksu ayuk chabagi kon-lik tu fengdok e , mama na hairamba thabak pumnamak loisilli machin manao anina chen chenduna ….

Nungaiba asha amaga mama hallakpa ngaijari akoibada mangaothina sitliba nungsit tuda amuk yengli , mamang gi leipalda hauriba upal wapal na hai humduna sitliba nungsitugi tanthada maning tamna jagoi sari ..

Numidangwairam yausillak e machin manao ani thongan thoklaktuna mama bu hallakpa ngairi thongangi konthongjei du tongladuna ..

Atiya thakta pairiba angangba machu asangba machu hangampal machu …. Machu makhalgi khudinggi “TELANGKA” na atiyadu singba thungna pairi , mamanggi lampaktuda angang mayam ama na sanari .

Angang mayamdugi marakta kana amana magi telangka gi lang du tatlaga mafam khangdana paikhibagi tengthari , kharana tatkhraba telangka dubu tannari chen chenduna …

Lemba ga nganba gasu mayamna sanariba , telangka pairibadu yauning e adubu mama na makhoi anigi telangka leirakani haiduna thongan duda wana mama bu hallakpa ngairi ..

Asumna thongan gi konthongchei duda tongduna leiri ngaida mama hallak e ,nganbadi mama hallakpa ubada mamagi manakta chensinkhi adubu lembadi tonglamba konthongcheidei tapna kumtharaga kithi kirum tauna leptuna leiri …

“he lemba nang angang siga mapanda sida kari tauramlino , eina hairamba thabak mayamdudi loisillaba”

“konthongcheiduda famlabadi tekloidra ha , nangna asuk yamna kok yaodribase karigino ha “

Mama atombina nganglibadu taduna maru lukthaduna leiri lemba maral leiraba mi amagumna ..

 Nganba: mama eina dada da mama halakpa ngairuse na thoklakpane .

Mama atombi: hai !!! kari yengduna leiri yumda sat sat changlak u thabak mayam ama leiribani .

Mama atmbi ga nganbaga changkhi mayum lomda , lembasu tapna tapna thangningda thangningda khongthang thangduna mitlu pirang ehau nana mama atombigi matung ellak e ..

“ema nang leiramlabadi asumna mina nganglibase nganlamoi ko , baba nang kaida leige eisu baba gi matung ellak age , babagi masak udaba kuire “

“eina ema anauba ama fangjabada kayagi matik haraojakhiba mangkhraba emagi minungsi amuk hanna fangjarani khalluba adubu pumnamak ngasidi aremba taramle , matam magi khongchatta yot su kolling karak e haibagum , mioibagi pukchelsu onkhi magi magi haibaduna luna hekta khankhi “

“adubu eigi kana leitre ngasidi fangjarani khallamba minungsisu ngasidi fangkhidre , henna awaba pirare , kayam kuina khangduna leikhini asumna awabase , hingkhisira awaba mayamse lotsinduna khangduna  wadaba saduna “

Asumna wakhal khan khanduna mama atombigi matung ennarak e lemba …. Mangol gi machi amada tasinduna famduna lei , mama atombina nganbagi TELANGKA ama leiraktuna pi adubu lembagidi kadai …. Mama machana tauriba mawongdu yengduna singthajari mitlu pirang mama mapadu waraujari lemba..

Nganba: mama dada gi telangka di kadai ?

Mama atombi: leiraktre peisaga konnade (suktok aga hairak  e)lembada onsillaga hairak e amuk..

Lemba  esing ga sokchilaba horen chak thongnaba , engkhol da hauriba enshang nabi singse esing chaithok u thengkhrani …

Lemba : hoi ema chaijage .

Nganba : ema adudi eigi telangka se kanaga paidoiba .

Mama atombi: namanaba mayam amasu pairisidi ..

Nganba: talli talli eidi dada ga paidoine , dada yaodradi ei pairoi..

Mama atombi: hai lemba kari yengli , sat sat chatlu eina haiba thabak singdu loisillucho aduga ngangbaga telangka paiba chatminarucho .(apokpa machabudi nungsiri )

Lemba mama na haiba thabak mayamdu loisilli , mapukningda nungaijade mama atombigi waheisingdu tabada adubu karidi upai leiruni migi makhada hinglubana ….

Asumna talli talli lemba engkhol da thariba enshang napi mayam du esing chairi amuksu tari nakongda mamanggi lampakta mayam sanaribagi mamanaba mayamgi khonjel singdu …

Nganba: dada eisu yaobirake thenglaniye telangka paiba .

Lemba: nanao nang adum chatlaga pairuro eidi thabak mayam leiriye .

Nganba: dada ebanni punna thabak singse loisinminase aduga punna lampakta thoklaga pairuse ba .

Asumna manao nganba na haimanbadei makhoi ani punna mama atombina haiba thabak mayamdu loisinminaduna lampakta thoklak e …

Lemba: nanao nang telangka do pairo eidi swaida sum famlaga yengge .

Nganba: hoi dada ei hanna pairage aduga dada amuk paiyuko , mayamsiga wangbi tanaseba ko .

Lemba lampak machi amada famduna mayamna sangbanaba atiya thakta pairiba telangka mayam adudu mamit kuptakhei yengduna leiri ….

Nganbasu mana thokpa ama haraona magi telangka adu pairi mayamga lakna fana sanasuna wangbi tanari …..

“ pairiba telangduna malangba magi kalaba sahumbu aki khang leitana mayoknari amuksu mangaksamda kallaba thauri amasu thubiri , mapu magi minai amagum mapu mana puningba maikeida pubiri telangka mabu “

 “kallaba malangba magi sahumbu mayoknagadra mapu magi liching makhada mapugi thoudabu engadra awabagi masakni kayada waramgani telangka magi punsi”

“karigumba matamda telangka masu makok ngaorak e mapugi sinthabu engadra malangba magi sahumbu mayoknagadra , wangna pairamba telangka du leimaida paitharak e , punsi chengjen loiraba punsi amagumna”

Mayamdagi ewang wangna pairamba nganbagi telangkani , malangba magi tanthada hai humduna mangaktu nakan amaromda amuk pei amaromda pei tauduna haraona jagoi sari, nganbasu haraojari magi telangkana haraona malangba magi sahumda pairibadu uraga ,adubu telangka magi awabadudi ngangbana khanglamgadra ….

Ngaihak asumna pairamlaga nganbagi telangka adugi mangaksamda thuramba thouri (lang) adu tatkhre , telangka aduda thuramba lang adu tatkhibada telangka adudi mafam khangda makei khangda malangba magi sahumda maning tamna haraona paikhi …..

Telangka aduna haraona maning tamna paiduna chatkhibada lemba haraona momon noktuna yengduna leiri machinda sollak e

“ telangka nangdi mapugi keishumshangdagi naning nakha tamduna nangna chatningba makeida chatlabra adubu eidi ekhong ase kallaba yotlingna punduna leikhibana eningtamna chatpa ngamdre “

“malangba magi matengna nanggi naning thungba ngamjare adubu eigidi kana leiri eigidamakta mateng pangbinaba malem asida he telengka nanggi punsi eina kalak e “

Nganba: dada dada eigi telangka tatkhre amukta tannase .

Manaona mamitagi mapi tana telangka dubu tanari machinda mayambabu kaura kaura duna …..

Manaona haribadu tade lemba mana thokpa ama maning tamna paikhriba chingya gi TELANGKA duda yengduna leihau e ….

Asumna ngaihak yenglamlaba matungda lemba famlambadei haugatlak e aduga tapna makhong thangba haurak e maithongda momon nokladuna …..

“punsigi nanthokpa ngamlaroi na haina khallamba yotling asi ngasidi thadatlage ko , telangka nanggi natung ellage malangba magi tanthada puningba mafamda pukhra sanu mapu magi makhada minai naithang oina leigadoi saruk ening tamna paijakhrasanu punsi ase mafam khangdana malangbamagi sahumda “……

Nganba mayambana chingyagi lambida tamna chatkhribado ure musi musi ,nakan amaromda amuk yengli chingyagi upal wapal marakta musi musi paikhriba magi TELANGKA dubu … ngaihak haraojarui nganba mayambana chatlibadu magi telangka du lauba chatlibani haiduna adubu mayambadi hallakpa kauba leitre uramba saktam mami samkhre mayambaga loinana magi telangka sdusu …

Ngangba machinda solhau e ..

“ dada nangsu eigi mangkhraba TELANGKA gumna nanaogi mafamdagi punsi chupagi lapna chatlabra dada , paikhro dada nangsu eigi telangka gumna naningtamna malangba mana puba mafamda ”

*****LOIJARE*****

DHANA NINGTHOUKHONGJAM .